¡Precio rebajado! Bestiariu 2 Ver más grande

Bestiariu 2

2815

VV.AA.

Nuevo producto

Esti proyectu de La Fabriquina repite formula na so segunda entrega. Son 12 grupos (Nacho Vegas y el Coru al altu la lleva, La Bande, Møna, ¿Aú?, Arma X, Skama la rede, La Bonturné, L@s Electric@s, Lavandera, Herbamora,  Elle Belga Muga y el Corín de Reciella) y dolce nuevos cantares d'animales.

Más detalles

9,00 € impuestos inc.

-10%

10,00 € impuestos inc.

Más

Son 12 grupos y dolce nuevos animales que van tar presentes en cientos de cases esti Nadal. Bestiariu repite formula na so nueva entrega, pero non participantes, yá que  dende La Fabriquina contactóse con nuevos artistes del ricu y variáu panorama musical asturianu.  Nacho Vegas y el Coru al altu la lleva, La Bande, Møna, ¿Aú?, Arma X, Skama la rede, La Bonturné, L@s Electric@s, Lavandera, Herbamora y Elle Belga, son los nuevos artistes y grupos asturianos que dan forma a esta nueva entrega de Bestiariu. Solo repite Muga y el Corín de Reciella, el proyectu musical qu'axunta a los impulsores d'esta iniciativa y al coru de l'asociación Reciella.

Y l’oxetivu de Bestiariu 2 ye, otra vuelta, averar la música a lo más pequeño de la casa, pero tamién a les sos families utilizando l'asturianu como llingua vehicular. Asina, con una temática prestosa pa los pequeños de la casa, los animales sirven de filu conductor nun discu que transita por dellos estilos musicales; los mesmos de cada banda y autor, a los que dende La Fabriquina propúnxose-yos participar en Bestiariu con dos úniques condiciones: cantar a un animal y faelo n'asturianu.

Quien  escuche esti Bestiariu 2, un CD pensáu non solo pa neños y neñes, sinón pa tola familia, va atopar un hipopótamu que nun quier compartir, una raposa vegana, un tamarín que nos gustaría ver per Xixón, una mona que suaña dientro d'una xaula, una xatina cola que podemos practicar el soníu de la x, un gatu que vive nun país hostil, un cámbaru folixeru, una xaronca mal encarada que quier esnalar, un perezosu arguyosu, unes caparines en peligru, un cuscupín que paez un felpudu o una lluciérnaga que va faenos llegar a bon puertu.

Cola mayoría de les sos temes grabáu en Sonidopolis, y cola producción musical, amás de los artistes, de Pedro Vigil, Bestiariu 2, editáu en formatu digipack por Araz Net, vuelve cuntar colos diseños de Marco Recuero que recrea na portada y el llibretu con una personalidá bien característica cada ún de los animales.

Tres l'ésitu de Bestiariu el pasáu 2015, la Fabriquina en 2016 vuelve apostar por esti proyectu que yá nacía con vocación de colección y col que s'amplía la familia d'animales a 22, 10 de Bestiariu y 12 de Bestiariu 2